Экономика
Қоғам
Қоғам
0
АҚТӨБЕДЕ 45 АДАМ «ЖИҺАД» ЖАСАМАҚ БОЛҒАН - ҚР ІІМ
Ақтөбеде лаңкестікті ұйымдастыру кезінде бұл топта бастапқыда 45 адам болған. Кейін 19 адам «жиһад» жасаудан бас тартқан. Бұл туралы бүгін ҚР Ішкі істер министрі Қалмұханбет Қасымов мәлім етті. «Олардың жалпы саны басында 45 адам болғаны анықталды. Бірақ олар «жиһад» жариялап, пәтерден шыққан кезде, 19 адам бас тартқан, біз оларды анықтадық, қазір олардан жауап алынуда», - деді министр бүгін халық алдында берген есебінде.
Қ.Қасымовтың атап көрсеткеніндей, Ақтөбедегі лаңкестердің басты мақсаты - қаруға қол жеткізіп, кейін аталған өңірде бірқатар теракт жасау болған
«Келіскен 29 адам, дүкенге келген («Паллада» қару дүкені), жолай тағы үш адам бас тартқан, дүкенге кіргенде тағы бір адам райынан тайып, топтан бөлініп кеткен. Қалған 25 адам осы лаңкестікті жасап отыр. Ол бейнекамерада да көрініп тұр», - дейді министр.
Еске сала кетейік, 5 маусымда Ақтөбеде теракт орын алды. 25 адам қару дүкеніне, кейін әскери бөлімшеге шабуыл жасады. Салдарынан Ұлттық ұланның 3 әскери қызметшісі мен 5 бейбіт тұрғын қаза тапты. 7 әскери қызметші мен 12 полицей жарақат алды. Қазіргі уақытта терактіге қатысқандардың барлығы ұсталды және кейбірінің көздері жойылды. Тергеу жүргізілуде.
Елде 40 күнге лаңкестік қауіпінің «сары» деңгейі белгіленді.
Дерек көзі: ҚазАқпарат.
Тағы да оқыңыздар:
-
Қоғам
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
