Экономика
Қоғам
Қоғам
0
ҚЫЗЫЛОРДАДА 163 ҚАРУ ИЕСІ ЖАУАПКЕРШІЛІККЕ ТАРТЫЛДЫ
Ағымдағы жылдың 25-31 шілде аралығында Қызылорда облысы аумағында атыс қаруын қолдана отырып жасалатын қылмыстардың алдын алу, заңсыз айналымнан атыс және травматикалық қаруды алуға бағытталған «Қару» жедел-профилактикалық іс-шарасы өткізілді.Облыстық ішкі істер департаментінің баспасөз қызметінің хабарлауынша, шара барысында полиция қызметкерлерімен арнайы рейдтік жұмыстар жүргізіліп, «Тіркелген қару» есебінде тұрған қару-жарақтардың иелері тексерілді. Тексеру барысында заңсыз айналымнан барлығы 16 қару, оның ішінде 14 тегіс ұңғылы және 2 травматикалық тапанша тәркіленіп, қаруды сақтау, алып жүру ережелерін бұзғаны үшін 163 қару иелеріне хаттамалар толтырылып, әкімшілік айыппұл салынды.
Оның ішінде, ҚР Әкімшілік құқық бұзушылық туралы кодексінің 484-бабы бойынша, азаматтық қаруды, оның патрондарын сатып алу, сақтау, пайдалану немесе тасымалдау қағидаларын бұзғаны үшін 146 қару иелері, ҚР ӘҚБтК-нің 486-бабы бойынша азаматтық қаруды тіркеу (қайта тіркеу) тәртібін не оны есепке қою тәртібін бұзғаны үшін 17 қару иесі әкімшілік жауапкершілікке тартылды.
Сонымен қатар, атыс қаруын сақтау, тасымалдау тәртібін бұзғаны үшін ішкі істер органдарында тіркеуде тұрған 65 дана атыс қаруы тәркіленді.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
