Экономика
Қоғам
Қоғам
0
ҚЫЗЫЛОРДАЛЫҚ ДИҚАНДАР ӨЗ РЕКОРДТАРЫН ЖАҢАРТТЫ
Биылғы жыл да Қызылордалық диқандар үшін табысты жыл болғалы тұр. Ел Тәуелсіздігінің 25 жылдығы, Дала академигі атанған, екі мәрте Социалистік Еңбек Ері Ы. Жақаевтың 125 жылдық мерейтойы қарсаңында Қызылорда диқандары елдің ырзық-несібесі алтын астығымызды қамбаға молынан құйды.
Рекорд жаңартуды дәстүрге айналдырған сыр диқандары биыл да өз рекордтарын жаңартып, әр гектардан 53,6 центнерден өнім алуда. 11 қазандағы ақпар бойынша, қазіргі таңда күріш дақылының 80065 гектары орылып, 78560 гектары бастырылды. 421 мың тонна күріш салысы жиналды. Бұл көрсеткіш өткен жылмен салыстырғанда 3,1 центнерге артық.
Облыс бойынша күріш жинау науқанына 1707 дана трактор, 837 дана комбайн, 430 жатка, 402 дана тасымал көлігі және 880 дана трактор тіркемесі қатысуда.
Арзандатылған бағамен күзгі егін жинау науқанына бөлінген 14 мың тонна дизель отыны операторлар арқылы шаруашылықтарға жеткізіліп, таратылуда. Ауыл шаруашылығы құрылымдарында келесі жылдың егісі үшін 3570 га сүдігер айдалып, 400 га күздік бидай егілді.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
