Facebook VK WhatsApp Instagram

Қоғам

0

РИО ОЛИМПИАДАСЫНЫҢ ЖҮЛДЕГЕРІ ЖАЗИРА ЖАППАРҚҰЛ ЖОЛ АПАТЫНА ТҮСТІ

 

Рио Олимпиадасының жүлдегері Жазира Жапарқұл Шымкентте жол апатына түсті.
tvk-uko.kz-тің хабарлауынша, көлік оқиғасы бүгін күндіз Байтұрсынов-Рысқұлов көшелерінің қиылысында орын алды. Ауыратлетшінің әкесіне тиесілі «Hyundai Accent» автомашинасын ауыр жүк көлігі артқы жағынан соққан. Автокөлікке келтірілген шығын үлкен болмағанымен жаңа машинамен болған оқиға олардың көңіл-күйлерін түсірген.
Спортшының өзімен тілдесу мүмкін болмады, ол телефонын өшіріп тастаған.
Еске салайық, Рио-де-Жанейрода өткен Олимпиада ойындарында Оңтүстік Қазақстан облысының тумасы, 22 жастағы Жазира Жапарқұл күміс медальға ие болды. Үлкен жеңісі үшін облыс әкімі оған екі бөлмелі пәтердің және Land Cruiser 200 жол талғамайтын көліктің кілттерін табыс еткен болатын. Спортшыны аталмыш көліктің тізгінінде әлі ешкім көрмеді.

 



Пікір қалдыру

Сіз робот еместігіңізді растаңыз - [] *: