Экономика
Қоғам
Қоғам
0
ҚАРМАҚШЫЛЫҚ ӨРЕНДЕР ӘСКЕРГЕ АТТАНДЫ
Жосалы кентінің орталығында орналасқан «Жастар саябағында» жылдағы дәстүр бойынша Отан алдындағы азаматтық борышын өтеуге аттанып бара жатқан болашақ сарбаздарды әскерге шығарып салу салтанаты өтті. Салтанатты шараға аудан әкімінің орынбасары Болат Нақыпов қатысып, болашақ сарбаздарға сәт–сапар тіледі. Сондай ақ, жиында аудандық ардагерлер кеңесінің төрағасы Қаршыға Есдәулетов,
– Ұлан-байтақ қазақ даласын найзаның ұшымен, білектің күшімен қорғаған ата-бабаларымыз сан ғасыр бойы қанаттыға қақтырмай, тұмсықтыға шоқыттырмай келді. Ел мен жердің баянды болашағы мен кемел келешегі жастардың қолында, деп батасын берді.
Шара барысында жастар бірлестіктерінің белсенділері аудан жастарының атынынан болашақ сарбаздарға «Аманат хат» пен сарбаздың күнделікті тұтынатын заттарын табыстады. Айта кетейік, биыл аудандық әскери бөлім жанынан жаңадан әскерге шақыру пункті ашылып, күрделі жөндеуден өткен болатын. Өткен жылы 95 қармақшылық отан алдындағы әскери борышын өтеуге аттанған болса, 31 азамат келісім-шарт негізінде еңбек етуге ниет білдірген. Ал, бүгінгі күнге 49 жас әскерге аттанып, 7 азамат келісім-шарт негізінде қызмет атқаруда.
Тағы да оқыңыздар:
-
Қоғам -
Қоғам
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
