Экономика
Қоғам
Қоғам
0
САЗДЫДА АУЫЛ КӨШЕЛЕРІ ЖАРЫҚТАНДЫРЫЛАДЫ
Арал ауданының әкімі М.Оразбаевтың халық алдындағы есепті кездесуі Сазды ауылдық округінде өтті. Негізінен мал шаруашылығы және оның оның азығын дайындаумен айналысатын Сазды ауылдық округ көлемінде бүгінде 87 қожалық бар.
Ауыл әкімі Ә.Танымбетовтың айтуынша қазіргі таңда мемлекеттік «Сыбаға» бағдарламасы бойынша мал басын асылдандыру бағытында «Қайрат», «Матай», «Қанибаев» және «Тілеулесов» шаруа қожалықтары асыл тұқымды бұқалар алып, сиыр малын асылдандыру жұмыстарын бастаған.
Сонымен қатар, «Дипломмен ауылға » бағдарламасы басталғалы 15 жас маман жұмысқа араласса, былтырғы жылы бір маман мектепке, бірі балабақшаға орналасып, көтерме жәрдемақыға қол жеткізген.
Жалпы округ аумағында орналасқан ауылдық клуб, кітіпхана, білім беру мекемелері және денсаулық сақтау, құқық қорғау саласы тиісті дәрежеде қызмет атқарып келеді.
Бүгінгі есепті басқосуда ауыл тұрғындары аудан әкімінің есебімен де толыққанды танысты. Алдағы міндеттер айқын, атқарылар жұмыстар ауқымды. Соның ішінде, биылғы жылы Арал-Сазды бағытындағы жолдың 21 шақырымына тас жол төсеу және ауыл көшелерін жарықтандыру міндеті жыл жоспарына енгізілген.
Өткен жылдың қорытындысы мен алдағы жағымды жаңалықтардан хабардар болған көпшілік есепті жиында өз пікірлерін білдіріп, әкім есебіне оң бағаларын берді.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
