Facebook VK WhatsApp Instagram

Қоғам

0

Қызылордада коронавирус инфекциясынан екінші адам жазылып шықты

Қызылорда облысында 14 сәуірде коронавирус инфекциясынан екінші адам жазылып шықты.Бұл жөнінде облыстық денсаулық сақтау басқармасы хабарлады.
Емделушінің емі толық аяқталды. Екі мәрте тест сынамасы алынды. Сынама нәтижесі теріс көрсеткішті нақтылады. Оған коронавирус инфекциясынан толық айықты деген қорытынды жасалды.
«Емделуші үйіне шығарылды. Ол Қызылорда қаласында тұрады. Емделуші енді 14 күн бойы аймақтық дәрігерлер бақылауында болады», - деп мәлім етті ведомстводан.
Айта кетерлігі, бүгін 14 сәуірде Қызылорда облысында коронавирус диагнозы қойылған науқас тіркелген жоқ. Қазір Қызылорда облысында бүгінге дейін аталған ауруға байланысты диагнозы нақтыланған 119 адам бар.
«Ескерте кететін жағдай, соңғы тәулікте Қызылорда облысына сырттан 15 азамат келген. Олар да бақылауға алынды. Сондай-ақ, облыс бойынша коронавирус инфекциясы анықталған азаматтармен байланыста болған -1489 азамат бар. Оның 828-і науқастармен тікелей қарым-қатынаста, 661-і жанама қарым-қатынаста болғандар. Барлық азамат жіті бақылауда тұр», - деді облыстық денсаулық сақтау басқармасының басшысы Жақсылық Абдусаметов.
Пікір қалдыру

Сіз робот еместігіңізді растаңыз - [] *: