Facebook WhatsApp Instagram

Қоғам

0

Қызылордада типтік жобадағы 7  мал қорымы салынуда

Биыл аса қауіпті 14 түрлі жұқпалы ауруларға қарсы іс-шараларды атқаруға 729,5 млн теңге бөлінді. Қазір қосымша 255,1 млн. қаржы қаралды. Сонымен қатар 6 түрлі энзоотиялық ауруларға қарсы ветеринариялық препараттар сатып алуға 215,8 млн. теңге бөлініп, алдын ала егу жұмыстары жүргізілуде. 
Бұл туралы өңірлік коммуникациялар қызметінің ақпараттық алаңында өткен брифингте облыстық ветеринария басқармасының басшысы Ерсұлтан Апетов мәлімдеді. 
«Облыс көлемінде ауыл шаруашылығы жануарлары арасында ауру ошақтарын болдырмау, алдын алу, эпизоотиялық тұрақтылықты сақтау мақсатында аса қауіпті 14 түрлі жұқпалы ауруларға республикалық бюджет есебінен қаралған 5544,3 мың доза ветеринариялық препараттың 5524,6 мың дозасы немесе 99,6% уақытылы тасымалданып жеткізілді. Яғни жыл басынан бастап бүгінгі күнге дейін барлығы 15033 бас қаңғыбас иттер мен мысықтар ауланды»- деді Ерсұлтан Амантайұлы
 Өңірдегі жануарларды бірдейлендіру дерекқор базасына 356,6 мың бас мүйізді ірі қара, 806,4 мың бас уақ мал, 53,9 мың бас түйе, 155,9 мың бас жылқы, 2 мың бас шошқа, 801 бас тақтұяқтылар тіркелген. Сондай-ақ бүгінде 57,2-і мың бас мүйізді ірі қара , 245,3 мың бас уақ мал, 16,5 мың бас жылқы, 8,1 мың бас түйе, 962 бас шошқа, 32 бас тақтұяқтылар бірдейлендіріліп, дерекқор жүйесіне енгізілді. 
Қазіргі таңа 83 типтік жобадағы мал қорымдары пайдаланылуда. Осы жылы облыс әкімінің іс-қимыл жоспарында көзделген 7 типтік жобадағы мал қорымының (Арал ауданыңда 5-еу, Жалағаш ауаныңда 2-і ) құрылыс жұмыстары жасалуда.
Пікір қалдыру

Сіз робот еместігіңізді растаңыз - [] *: