Экономика
Қоғам
Спорт
0
Студенттер арасында спартакиада аяқталды
Облыстық дене шынықтыру және спорт, облыстық жастар саясаты мәселелері басқармаларының «Жастарды қолдау орталығы» мемлекеттік мекемесінің ұйымдастыруымен үстіміздегі жылдың 1-5 желтоқсан аралығында Қызылорда қаласында Қазақстан Республикасының Тұңғыш Президенті күніне орай жоғары және орта арнаулы оқу орындары арасында облыстық спартакиада аяқталды. Спорттың 7 түрін қамтитын бұл бәсекеде Қызылорда қаласынан 18 команда өнер көрсетті. Елбасының әр жылғы жолдауында атап көрсетілгендей бұқаралық спортты дамыту, жастар арасында салауатты өмір салтын қалыптастыруды насихаттау мақсатында өткізілген спартакиадаға 1000-ға жуық студент жастар қатысты. Бес күнге созылған жарыс қорытындысына келетін болсақ, жалпы командалық есепте Қорқыт ата атындағы ҚМУ-ң командасы – бірінші, И.Әбдікәрімов атындағы аграрлық-техникалық колледжі – екінші, ал М.Мәметова атындағы гуманитарлық колледжі үшінші орынға ие болды.
Спартакиаданың жабылу салтанатында облыстық дене шынықтыру және спорт басқармасының басшысы Садық Мұстафаев аталмыш сайысты қорытындылап, алдағы уақытта да дүбірлі доданың дәстүрлі түрде өткізілетінін жеткізді. Спартакиада жеңімпаздары мен жүлдегерлері «Жастарды қолдау орталығы» мемлекеттік мекемесінің диплом, кубок және естелік сыйлықтарымен марапатталды.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
