Facebook VK WhatsApp Instagram

Қоғам

0

Сырдария ауданында 6 насос қондырғысы орнатылады

Сырдария ауданында егіс көлемін суға бастыру үшін шаруашылық құрылымдары 16 дана су сорғы құралын пайдалануда. Қосымша тағы 6 насос сатып алынбақ. Оның біреуі Жетікөл ауылдық округіне жеткізілді. Бұл туралы Өңірлік коммуникациялар қызметінің ақпарат алаңында Сырдария ауданы әкімінің орынбасары Талғат Нұртазаев мәлімдеді.
Сырдария ауданында шаруа қожалықтар биыл 20512 гектар алқапқа күріш егіп, суға толығымен бастырды. Қазір диқандар суды кезектілікпен пайдаланып жатыр. 
- Биыл бекітілген ауыл шаруашылығы дақылдарын суару үшін 766,57 млн текше метр су лимиті бөлінді. Қазір ауыл шаруашылығы дақылдарын суару үшін секундына 68,67 текше метр су жіберілуде, - деді Сырдария ауданы әкімінің орынбасары Талғат Нұртазаев. 
Брифингте облыстық табиғи ресурстар және табиғат пайдалануды реттеу басқармасы және «Казсушар» РМК Кызылорда облыстык филиалының мамандары облыс аумағына келіп жатқан судың көлемімен су қоймаларындағы мөлшеріне тоқталып өтті. Мәселен, қазір Шардара мен Көксарайдағы су көлемі 4465,3 млн. текше метрді құрайды. Сырдария өзенінің төменгі ағысына секундына 550 текше метр су жіберілуде.
Пікір қалдыру

Сіз робот еместігіңізді растаңыз - [] *: