Facebook VK WhatsApp Instagram

Қоғам

0

Мүмкіндігі шектеулі жандар да вакцина алуда белсенді

Аймақта мүмкіндігі шектеулі жандар да екпе алуда белсенділік танытуда.  Өңірдегі 20 мыңнан мүмкіндігі шектеулі жан бар. Олардың жартысы жұмыс жасап, халықпен тығыз байланыс орнатады.
Сондықтан вакцина алып, вирустан сақтануды қолдайды. Бұл туралы бүгін Өңірлік коммуникациялар қызметінің ақпараттық алаңында өткен брифингте  «Қызылорда облысының мүгедектер қоғамы» ҚБ-нің төрағасы Мұрат Жұмаділаев мәлімдеді.
«Өз басым IІ топ мүгедегімін, «Спутник Ви» вакцинасының екі компонентінде алдым. Кері әсерін тигізген жоқ. Бастысы жеке жауапкершілігімізді арттыруымыз қажет. Халықтың басым көпшілігі вакцина алса ғана, ұжымдық иммунитет қалыптасатыны анық», - деді Мұрат Әлімбайұлы.
Одан әрі облыстық мүгедектер қоғамымының төрағасы індетпен күресте тұрғындарды сақтық шараларын қатаң сақтауға шақырып, екпе алуда белсенді болуға үндеді.
Пікір қалдыру

Сіз робот еместігіңізді растаңыз - [] *: