Экономика
Қоғам
Қоғам
0
Еліміздің оңтүстігінде күн күрт жылынуы ықтимал: Көлік министрлігі арнайы кеңес өткізді
Синоптиктердің болжамынша, желтоқсан айының соңында еліміздің оңтүстік өңірлерінде күн күрт жылынып, өзен-көлдерде су тасу қаупі туындауы ықтимал. Бұл мәселе бүгін Көлік министрлігінде автомобиль жолдарын күтіп ұстау бойынша өткен арнайы кеңесте талқыланды, деп хабарлайды Kazinform.
Министрліктің баспасөз қызметінің хабарлауынша, кеңеске Көлік министрлігіне қарасты Автожолдар комитеті төрағасының орынбасары Ғалымжан Өтенбаев «ҚазАвтоЖол» ұлттық компаниясы және «Қажсервис» ЖШС Алматы, Жамбыл, Қызылорда және Түркістан, сондай-ақ Жетісу облыстары бойынша филиалдары басшыларының қатысты.
Жол мамандары жауын-шашынның көп түсуіне және ауа температурасының жоғарылауына байланысты болуы ықтимал су тасқынының алдын алу бойынша шараларды талқылады.
Өңірлерден келген өкілдері жолдардағы жағдай мен жүргізіліп жатқан жұмыстар туралы баяндады. Сөз кезегінде Ғ.Өтенбаев су тасқыны қаупі бар учаскелерде көпірлерге, мал айдындарына, құбырларға және жасанды құрылыстарға мониторинг жүргізуді, сонымен бірге су айдындарындағы судың деңгейін тексеруді тапсырды.
Метеорологтардың болжамы бойынша, Түркістан облысында 25 желтоқсаннан кейін температура 11 градусқа дейін, Таразда +13℃ дейін, Қызылорда облысында +11℃ градусқа дейін, Шымкентте +14℃ дейін, Алматыда +11℃ дейін көтеріледі деп күтілуде. Күн 1 қаңтарға дейін жылы болуы мүмкін.
Сурет - ҚР Көлік министрлігі
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
