Экономика
Қоғам
Қоғам
0
Қызылордада ірі есірткі алқабы жойылды
Қызылордалық полицейлер жедел-профилактикалық рейд жұмыстары барысында Шиелі ауданы №15 бекеттен оңтүстікке қарай 5 шақырым жерде есірткі затына ұқсас өсімдік өсіп тұрған алқапты анықтады. Бұл жайында облыстық ішкі істер департаменті баспасөз қызметі хабарлады.Шиелі аудандық ішкі істер бөлімінің полиция қызметкерлері жедел-іздестіру жұмыстарын жүргізу барысында жолсыз құмдардың арасында есірткі затына ұқсас өсімдік егіп жатқан белгісіз азаматты байқап қалады. Жедел-тергеу тобы шақырылып, жедел түрде Қызылорда қаласының 1978 жылы туылған азаматы құрықталды. Тексеру барысында 3364 түп жасыл түсті ерекше иісі бар өсімдік және егу барысында қолданылған құрал-саймандары айғақ зат ретінде алынды. Анықталған 3364 түп сора өсімдігінің 3306 түбі өртеу жолымен жойылса, 58 түбі сот-сараптамалық тексеріске жолданды. Психотроптық заттар мен прекурсорларды зерттеу сот-сараптамасы қорытындысы бойынша анықталған өсімдік сора өсімдігіне жататындығы белгілі болды.
Қазіргі таңда, Қазақстан Республикасы Қылмыстық Кодексінің 300-бабы, 1-бөлігі бойынша қылмыстық іс қозғалып, сезікті азамат аудандық ішкі істер бөлімінің уақытша ұстау абақтысына қамаққа алынды.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
