Facebook VK WhatsApp Instagram

Қоғам

0

Бір күнде 20 қылмыстың беті ашылды

Бір күнде 20 қылмыстың беті ашылдыҮстіміздегі жылдың наурыз айының 17-19 күндері аралығында «Наурыз» мемлекеттік мейрамын мерекелеу қарсаңында облыс көлемінде «Құқық тәртібі» жедел-профилактикалық іс-шарасы жүргізілді. Бұл шара криминогендік ахуалды сейілту, құқық тәртібі мен жол қозғалысы  қауіпсіздігін қамтамасыз ету, көшелер мен басқа да қоғамдық орындарда қылмыстарды ескерту және жолын кесу бағытында ұйымдастырылды. 
Қызылорда облыстық ішкі істер басқармасы баспасөз қызметінің хабарлауынша, аталған іс-шараға 1000-нан аса ІІО-ның жеке құрамы жұмылдырылып, іс-шараның бірінші күнінде барлығы 20 қылмыстың беті ашылып, 630 әкімшілік құқық бұзушылық анықталды. Оның ішінде жол-көлік оқиғасына тікелей септігін тигізетін өрескел жол қозғалыс ережесін бұзу фактілерінің бірі – автокөлікті мас күйінде басқарған 7 жүргізуші анықталса, қауіпсіздік белдігін тақпай автокөлік басқарған 122 жүргізушіге, ұялы телефонмен сөйлесіп көлік басқарған 69 жүргізушіге, жылдамдықты шамадан тыс асырып басқарған 84 жүргізушіге  әкімшілік хаттама толтырылды. 
Сонымен қатар, «Мүлдем төзбеушілік» қағидаты аясында  қала мен елдімекен аумақтарын көріктендіру ережесін бұзу дерегі бойынша 66, кәмелетке толмағандардың  түнгі уақытта заңды өкілдерінің ілесіп жүруінсіз үй-жайдан тыс жерлерде болу дерегі бойынша 49, спирттік ішімдік ішу немесе қоғамдық орындарға мас күйінде келу дерегі бойынша 76, ұсақ бұзақылық дерегі бойынша 59 құқық бұзушылық анықталып, тиісті шаралар көрілді.
Қабылдау-тарату орнына 8 азамат орналастырылса, уақытша бейімдеу және интоксикация орталығына 13 азамат жеткізіліп, 4 жасөспірім кәмелетке толмағандарды бейімдеу орталығына орналастырылды. Қазақстан Республикасында болу ережесін бұзғаны үшін ТМД елдерінің 37 азаматына шара көрілді.  




Пікір қалдыру

Сіз робот еместігіңізді растаңыз - [] *: