Экономика
Қоғам
Қоғам
0
Айымбетов орасан зор Қазақстанның үстінен 2-ақ минутта ұшып шыққан
Аумағы орасан зор Қазақстанның үстінен ғарыштан ұшып өту үшін небары 2-ақ минут қажет болды. Бұл туралы тәуелсіз Қазақстаннан ғарышқа тұңғыш ұшқан, қазақтан шыққан үшінші ғарышкер Айдын Айымбетов "Хабар” телеарнасына берген эксклюзивті сұхбат барысында мәлімдеді.Қазақстанды ғарыштан көру бақыты бұйырған жерлесіміз сұхбатында: "Ғарышта бірден жердің көріктігі көзіме оттай басылды. Өте әдемі. Қазақстан үстінен ұшқан тұста керемет әсер алдым. Сондағысы елімізді ұшып өту 2-ақ минут уақытты алды. Ал осы 2 минут мен үшін алдағы ғылыми жұмыстарымды жоғары деңгейде өткізуге ерекше ынта берді”, – деді.
Ресейдегі емдеу-сауықтыру орталығынан аман-есен елге оралған қазақ ғарышкері енді отандық космос саласын дамытуда аянбай еңбек етпек.
«Ол үшін қажетті тәжірибе де жинап келдім», – дейді ол.
"Бұл менің отбасым. Менің елім. Достарым. Отаншылдық мен үшін маңызды әрі қасиетті ұғым. 90-шы жылдары біз әскерде 6 айлап айлық алмадық. Сол кезде біз Отанға деген қызметті тастап кетпедік. Елімізге деген абыройлы міндетімізді қиын шақта жалғастыра бердік. Міне осы ісіміз отаншылдық қасиетінің көрінісі деп ойлаймын”, – деп ағынан жарылды ғарышкер.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
