"Жібек жолындағы" шырша алынып тасталды

Қазіргі таңда еліміз бойынша тәуелсіздік мейрамын тойлауға ерекше мән беріліп отыр. Жаңа жылға дайындық сол мереке аталып өткеннен кейін ғана қолға алынбақ. Дегенмен, "Жібек жолы" сауда үйінің мына әрекеті тұрғындар арасында реніш туғызды. Сол олқылықтың орны көп ұзамай толтырылды. Осыған орай қала әкімінің орынбасары Айдын Қайруллаев жауап берді. Онда "Бұл сын-ескертпеңіз орынды. Тәуелсіздік күні – ұлық мереке. Сондықтан бұл мереке Жаңа жыл мерекесінің тасасында қалып қоймауы керек. Осы ретте "Жібек жолы" сауда орталығының басшысына тиісті ұсыныс беріліп, нәтижесінде шырша алынып тасталатын болды. Негізі қала бойынша Жаңа жылдық іс-шаралар 20 желтоқсаннан бастау алу жоспарлануда" делінген.