«СЫР – АЛАШТЫҢ АНАСЫ» АТТЫ ФОТОБАЙҚАУҒА ҚАТЫСУҒА ШАҚЫРАМЫЗ

Байқаудың басты мақсаты – Қызылорда өңірінің жеткен жетістіктерін таныта отырып, аймақтың көркейген келбеті мен сәулетін, табиғатын, тарихи орындарын, тұрғындардың бейбіт өмірін бейнелеу және оны насихаттау.

Байқаудың шарттары: Байқауға кәсіби және әуесқой фотографтар қатыса алады, жасына шектеу қойылмайды.  jpg (jpeg) форматындағы түпнұсқа фотосуреттер қатысушы жайлы толық ақпаратпен (аты-жөні, тұрғылықты жері, жұмыс орны, байланыс телефондары, фотосуреттің тақырыптық атауы, қайда, қашан түсірілгені туралы т.б) қоса  media_zhuldyz@mail.ru  электронды почтасына жолдануы тиіс. Почтаға келіп түскен суреттер әлеуметтік желілердегі арнайы парақша немесе топтарға #СырАлаштыңАнасы   хэштегімен жарияланады. Фотосуреттер  2016 жылғы 15-қыркүйектен  15-қазанға дейін қабылданады. Байқауға келіп түскен фотосуреттерді кәсіби фотографтардан жасақталған әділқазылар алқасы іріктеп, жеңімпаздарды анықтайтын болады. 

Байқауға қатысатын фотосуреттерді іріктеу шарттары

-   Байқау ережесінде көрсетілген тақырыпты  қамтуы;

-   Байқау тақырыптарын ерекше жеткізу;

-   Фотосуреттің сапалылығы: бейненің анықтығы, дәлдігі;

-   Фотосуреттерді әзірлеудегі кәсіби көркемдік талғам.

Фотобайқаудың жеңімпаздарын марапаттау - 2016 жылғы 20 қазанда өтеді. Бірінші орын - сандық фотоаппарат, екінші орын - 20 мың теңге, үшінші орын - 15 мың теңге. 

Ұйымдастырушылар: Қызылорда облыстық ішкі саясат басқармасы және «Медиа Жұлдыз»  Қоғамдық қоры.

                                 

  Байланыс телефоны: +7747-817-49-28