Экономика
Қоғам
Қоғам
0
Элизабет Тұрсынбаева – бесінші мәрте чемпион
Элизабет Тұрсынбаева биыл бес мәрте халықаралық турнирдің жеңімпазы атанды!Италияда мәнерлеп сырғанаудан «Кубок Мерано» халықаралық турнирі аяқталды. Бұл турнир 1997 жылдан бері жыл сайын өткізіліп келеді. Өткен жылы аталмыш турнирге Қазақстаннан мәнерлеп сырғанаушы Денис Тен қатысқан болатын. Биыл бұл турнирде қызылордалық Элизабет Тұрсынбаева жастар арасында өнер көрсетіп, биылғы жылдың бесінші алтын медальіне қол жеткізді. Күміс жүлдені Франция cпортшысы иеленсе, қола жүлде неміс қызына бұйырды. Аталмыш додаға 9 елден 24 спортшы бақ сынады.
Енді Элизабет үстіміздегі жылдың желтоқсан айының басында Будапеште болатын халықаралық турнирге және 20-21 желтоқсанда Қызылорда қаласында бірінші мәрте ұйымдастырылатын ҚР чемпионатына қатысады.
Айта кетейік, биылғы жылы Элизабет Жапонияда және Германияда өткен жастар Гран-при жарыстарының күміс және қола жүлдесін иеленген болатын.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
