Экономика
Қоғам
Қоғам
0
Желіде Шымкенттегі монша опырылған сәттің видеосы тарады
Шымкент қаласының Откормсовхоз елді мекенінде тұрғын үй аумағында салынған монша өзенге опырылып түсті, - деп хабарлайды Tengrinews.kz тілшісі.Шымкенттегі Еңбекші ауданында Откормсовхо елді мекені бар. Онда 14 мамыр күні Бадам өзенінің сол жағалауында су тасып, шаруашылық құрылыстар қирады. Монша жеке үйдің аумағында орналасқан.
"Бұған дейін күндіз су арнасынан асып, жағалауды шайған кезде, біз орға жақын орналасқан үйлердегі қауіп-қатерді байқап, 14 мамырға қараған түні 31 адамды эвакуацияладық. Барлығының баратын жері, туысы болды. Ешкім зардап шеккен жоқ", - деп хабарлады Шымкент қаласы Төтенше жағдайлар департаментінің баспасөз қызметі.
Сондай-ақ, ТЖД мәліметі бойынша, бір тұрғын үй жартылай опырылып қалған.
Қазіргі уақытта осы ауданда құтқарушылар жұмыс атқарып жатыр. Тағы екі тұрғын үйге қауіп төніп тұр.
Еске салайық, Қазақстанның 15 өңірінде жауын-шашын мен желдің қаупіне байланысты ескерту жарияланды. 15 мамырда Шымкентте тағы күн күркіреп, жаңбыр жауады. Желдің екпіні секундына 15-20 метрге дейін күшейеді. Түркістан облысында қатты жаңбыр жауып, күн күркірейді, дауыл мен бұршақ жауады. Найзағай кезінде желдің екпіні секундына 15-20 метрге, Қызылорда облысында секундына 15-20 метрге жетеді.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
