Facebook VK WhatsApp Instagram

Қоғам

0

«Еңбек» бағдарламасы аясында шағын несие алуға болады

"Еңбек" мемлекеттік бағдарламасының екінші бағыты аясында шағын несиелеуді жүзеге асыруға ағымдағы жылы біздің облыс үшін республикалық бюджеттен 3 353,1 млн.теңге қарастырылды.
 Оның ішінде 3 103,1 млн.теңгесі ауылдық елді мекендерде және шағын қалаларда шағын несие беруге бағытталса, ал Қызылорда қаласында несиелендіру үшін 250 млн. теңге бөлінді.
 Жыл басында ауылдық елді мекендер мен шағын қалалар үшін қарастырылған қаражаттың бөлігі "Аграрлық несие корпорациясы" АҚ және "Ауыл шаруашылығын қаржылай қолдау қоры" АҚ орналастырылған болатын. Қазіргі таңда шағын кәсіпкерлік субъектілерінің 127 жобасына жеңілдетілген шағын несиелер берілді.
 Қаржыландыру жоспарына сәйкес Қызылорда қаласында шағын несиелер беру ағымдағы жылдың шілде айынан басталды. Бүгінгі күні қарастырылған қаражат "Ауыл шаруашылығын қаржылай қолдау қоры" АҚ-на аударылды.
 Бағдарлама аясында шағын несиелер кәсіпкерлерге 6,5 мың АЕК (18 057 000 теңге) дейін жылдық 6 %-бен беріледі. Бұл ретте аталған сыйақы мөлшерлемесі көп балалы және аз қамтылған отбасылар үшін жылына 4%-ға дейін төмендетілген.
Пікір қалдыру

Сіз робот еместігіңізді растаңыз - [] *: