Экономика
Қоғам
Қоғам
0
«Қызыл кітапқа» енген қарақұйрықты атқандар ұсталды
Қызылорда облысы Полиция департаментінің қызметкерлері мен «Охотзоопром» жұмысшыларының бірлескен жедел-іздестіру жұмыстарын жүргізу барысында қаскүнемдер құрықталды. Қызылорда облысы Жалағаш ауданы аумағында күдік келтірген «Ниссан Патрол» автокөлігі тоқтатылды.Жедел-тергеу тобымен автокөліктен Қазақстан Республикасының Қызыл кітабына енгізілген қарақұйрық жануарының өлі денесі, бір тегіс ұңғылы мылтық, патрондар және пышақ алынды.
Аталған дерек бойынша Қазақстан Республикасы Қылмыстық кодексінің 337-бабы 4-бөлігімен (жануарлардың сирек кездесетін және құрып кету қаупі төнген түрлеріне, сондай-ақ пайдалануға тыйым салынған жануарларға қатысты жасалған заңсыз аңшылық) сотқа дейінгі тергеп-тексеру амалдары жүргізілуде.
Бүгінгі таңда күдіктінің бірі Сырдария ауданы Полиция бөлімінің уақытша ұстау изоляторына қамауға алынды, екіншісіне «ешқайда кетпеу және өзін дұрыс ұстау» түрінде бұлтартпау шарасы қолданылды. Тиісті сараптамалар тағайындалып, автокөлік айып алаңына қойылды. Оқиғаның мән-жайлары анықталуда.
«Жыл басынан табиғат қорғау заңнамаларын бұзудың 297 дерегі тіркелді. Оның ішінде, 22 қылмыстық және 274 әкімшілік құқық бұзушылықтар анықталған. Қазіргі таңда бұл бағыттағы жұмыстар жалғастырылуда»,- деп атап өтті Қызылорда облысының Полиция департаменті бастығының міндетін атқарушы полиция полковнигі Шамшидин Амитов.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
