Экономика
Қоғам
Мәдениет
0
ҚОЛӨНЕРШІЛЕР МЕН СУРЕТШІЛЕР КӨРМЕСІ ӨТТІ
Қызылордадағы көркемсурет галереясында «Ана – өмірдің гүлі» атты жас суретшілер көрмесі өтті. Көрменің салтанатты ашылу рәсімінде аймақтың белгілі суретшілері мұндай шараларды жиі ұйымдастырып тұру жас, талантты қылқалам шеберлерін елге танытуға мүмкіндік беретінін жеткізді.
Одан соң келушілер назарына жас талант иелері – Рүстем Әлжанов, Жарқын Қосбаев, Абылайхан Сәмен, Әлия Кененбаева, Гүлнар Рамазанова, Денис Рыбальченко және тағы басқалардың туындылары ұсынылды.
Сондай-ақ ұлттық қолданбалы қолөнер шеберлерінің көрмесі ұйымдастырылды. Қорқыт ата атындағы ҚМУ-дің оқытушысы Айдана Әлайдарова киізден жасалған киім, сөмке, шәлі, моншақ, кәдісыйларды көрермен назарына ұсынды. №261 орта мектеп оқушысы Жазира Әуезова моншақ пен бисерден естелік дүниелер жасайды. Мұндай әдемі бұйымдарды көрмеден сатып алуға болады.
Халықтық қолданбалы қолөнер шебері Болат Махамбетов Сырдария ауданынан келген. Ол ақ талдан әртүрлі кәдесыйлар дайындайды. Өз жұмысын Жандос Сансызбаев та таныстырды. Оның қолынан шыққан ұлттық үлгідегі ыдыс-аяқ, саз аспаптары таңдай қақтырады. Айта кетейік, көрме осы айдың соңына дейін жалғасады.
Тағы да оқыңыздар:
-
Мәдениет -
Мәдениет
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
