Экономика
Қоғам
Саясат
0
РЕСЕЙДІҢ "БАЙҚОҢЫР" АЙЛАҒЫНАН КЕТЕТІН ЖОСПАРЫ ЖОҚ
Ресей екінші кезектегі Восточный ғарыш айлағы ашылса да, Қазақстандағы "Байқоңыр" айлағын пайдаланудан бас тартпайтын болды. Бұл туралы "Интерфакс" басылымына берген сұхбатында Роскосмос басшысы Игорь Комаров мәлімдеді, деп хабарлайды Tengrinews.kz.
"Сенімді түрде айта аламын, "Байқоңырдан" кетуге және барлық ұшырылымдарды "Восточный" айлағына ауыстыруға жоспарымыз жоқ. "Байқоңырда" ұшыруға арналған барлық инфрақұрылым жасалған, алдын ала ұшуға дайындық орталығы" да бар. Жақсы нәтиже көрсетіп отыр, ресурсы әлі таусылған жоқ, сондықтан бұл ұшу қондырғыларын Байқоңырдан ауыстыру қате", - деді мемкорпорацияның басшысы.
Оның айтуынша, "Байқоңырмен" әріптестік жалғасын табады. "Біз ғарыш саласында Қазақстандағы әріптестерімізбен кооперацияны кеңейтіп, ғарыш айлағының техникалық мүмкіндігін жоғарылатқымыз келеді", - деді ол.
Ал Роскосмос осыған қарамастан, жаңа перспективалық жобаларды "Восточный" айлағында жүзеге асыруды ойлап отыр екен.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
