Экономика
Қоғам
Саясат
0
ҚЫЗЫЛОРДА ОБЛЫСЫ ӘКІМІНІҢ ОРЫНБАСАРЫ ТАҒАЙЫНДАЛДЫ
Қызылорда облысы активінің отырысында аймақ басшысы Қырымбек Көшербаев ішкі саясат және әлеуметтік мәселелер бойынша жаңадан тағайындалған орынбасары Рүстемов Руслан Рүстемұлын таныстырды.
Р. Рүстемов 1968 жылы Қызылорда облысы Қармақшы ауданында дүниеге келген. Әл-Фараби атындағы Қазақ мемлекеттік ұлттық университетін «филолог, қазақ тілі мен әдебиетінің оқытушысы», «Болашақ» университетін «мемлекеттік және жергілікті басқару» мамандықтары бойынша бітірген.
Еңбек жолын 1994 жылы Қызылорда педагогикалық институтының қазақ әдебиеті кафедрасының стажер-оқытушысы болып бастаған.
1997-2002 жылдары Қызылорда қаласы әкімінің аппаратында маман, консультант, Қызылорда қаласы әкімінің баспасөз хатшысы, Қызылорда қалалық мәдениет бөлімінің меңгерушісі, Қызылорда қаласы әкімі аппаратының ішкі саясат және әлеуметтік сала бөлімінің меңгерушісі қызметтерін атқарған.
2002-2008 жылдары Қызылорда облыстық мәдениет басқармасы бастығының орынбасары, Қызылорда облысы әкімі аппаратының әлеуметтік-саяси бөлімінің меңгерушісі, 2008-2010 жылдары Шиелі ауданы әкімі аппаратының жетекшісі, Шиелі ауданы әкімінің орынбасары, 2010-2015 жылдары Қызылорда облысының тілдерді дамыту басқармасының басшысы, екі мәрте ішкі саясат басқармасын басқарған, Қызылорда қаласы әкімінің орынбасары лауазымында қызмет еткен.
2015 жылдың ақпан айынан бастап бүгінгі күнге дейін Жаңақорған ауданының әкімі болды.
Осыған дейін облыс әкімінің орынбасары лауызымын атқарып келген Рауан Кенжеханұлы басқа қызметке ауысуына байланысты Қызылорда облысы әкімінің орынбасары қызметінен босатылды.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
