Экономика
Қоғам
Спорт
0
Қызылордалық мәнерлеп сырғанаушы Элизабет Тұрсынбаева турнирінде чемпион атанды
Қызылорда қаласында мәнерлеп сырғанаудан Әлем чемпионатының күміс жүлдегері Элизабет Тұрсынбаеваның жүлдесі үшін өтіп жатқан республикалық турнирде жерлесіміз Темірлан Якияев облыс құрамасының қоржынына алтын медальді салды.
Ол I спорттық разряд бойынша 2011-2012 жылдары туылған спортшылар арасында өнер көрсетіп, жеңістің биік тұғырына көтерілді. Бес жасында мәнерлеп сырғанау спортына келген жасөспірім спортшы бұған дейін республикалық, халықаралық жарыстардың бірнеше дүркін жеңімпазы және жүлдегері атанған.
Қазақстан Тәуелсіздігінің 30 жылдығына орай биыл бесінші мәрте ұйымдастырылған турнирге республикамыздың аймақтарынан 5-18 жас аралығында 200-ден аса спортшылар бақ сынасуда.
Турнирдің құрметті қонағы ретінде ҚР еңбек сіңірген спорт шебері Элизабет Тұрсынбаева жеңімпаздар мен жүлдегерлерді марапаттау рәсіміне қатысты.
Жарыс карантин талаптарын сақтай отырып, көрермендерсіз өткізілуде. Дүбірлі дода 1 мамыр күні аяқталады. Ертеңгі жарыс күнінің кестесіне сәйкес спортшылар сағат 11.30-20.00 аралығында еркін бағдарламада мұзда өнер көрсетеді.
Сағат 17.00 және 20.00-де жеңімпаздар мен жүлдегерлерді марапаттау рәсімі өткізіледі.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
