Facebook VK WhatsApp Instagram

Спорт

0

Футболдан Ұлттар лигасы: Қазақстан мен Молдова ойынына төрешілер белгіленді

Футболдан UEFA Ұлттар лигасы өтпелі сатысының қарымта ойынындағы Қазақстан мен Молдова құрамалары кездесуіне төрешілер құрамы белгіленді.
Аталған ойын 29 наурызда елордадағы «Астана-арена» стадионында өткізіледі. 
Онда словакиялық Иван Кружляк бас төреші қызметін атқарады. Ол бұған дейін халықаралық 89 ойында қазылық жасады. Оған отандастары - Бранислав Ханчко мен Ян Позор көмекшілік жасайды. Қосалқы төреші де словакиялық Филип Глова.
Ал VAR-жүйесі бойынша италиялық Паоло Валери мен Даниэле Довери қызмет жасайды.
Еске салсақ, алғашқы ойында Қазақстан құрамасы сырт алаңда Молдованы 2:1 есебімен тізе бүктірген еді. 
Екі ойынның нәтижесімен жеңімпаз құрама алдағы кезеңде С лигасындағы орнын сақтап қалса, жеңілгені Д лигасында сынға түседі.

Пікір қалдыру

Сіз робот еместігіңізді растаңыз - [] *: