Экономика
Қоғам
Спорт
0
Қазақстан жасөспірімдер құрамасына бапкер тағайындалды
Қазақстан футбол федерациясының кеңсесінде жаттықтырушылар кеңесі өтті.
Жиында 19 жасқа дейінгі Қазақстан жасөспірімдер құрамасының аға жаттықтырушысы қызметіне белгілі қазақстандық маман Ойрат Сәдуов тағайындалды. Бұл жөнінде федерацияның баспасөз қызметі мәлім етті.
Ойрат Сәдуов павлодарлық «Ертіс» пен қарағандылық «Шахтер» командаларында ойнаған. Спорттық карьерасын аяқтағаннан кейін Қазақстан жастар құрамасы, павлодарлық «Ертіс», өскемендік «Восток», «Тараз», «Астана-1964» командаларын жаттықтырды. Ол Қазақстан жасөспірімдер құрамасы мен елордалық «Бәйтерек» командасында қатар жұмыс істейді. «Бәйтерек» клубы 19 жасқа дейінгі жасөспірімдер құрамасының базалық командасы саналады.
– Ойрат Батайұлы тәжірибелі және кәсіби жаттықтырушы, - дейді Қазақстан футбол федерациясының президенті Ерлан Қожағапанов. – Еуропа Чемпионатының іріктеу турниріне қатысатын Қазақстан жасөспірімдер құрамасымен жұмыс істейтін бапкерге үлкен үміт артамыз. Қазақстан футболшылары Хорватия, Венгрия және Черногория құрамаларымен бір топқа түсті. Біз бұл іріктеу турнирінде үлкен міндет қойып отырмыз. Өз тобымыздан екінші орын алу. Менің ойымша, бұл қиын тапсырма, бірақ орындауға болады.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
