Экономика
Қоғам
0
ФИФА ОФСАЙДТЫ АЛЫП ТАСТАУДЫ ҰСЫНДЫ
Халықаралық футбол қауымдастығының (ФИФА) техникалық директоры Марко ван Бастен офсайд пен сары қағазды алып тастауды, сондай-ақ бірқатар ереже енгізуді ұсынды. Бұл туралы lenta.ru хабарлайды, деп жазады egemen.kz.
Оның айтуынша, ойын тәртібі бұзылғанда былайша жазалау керек: «Мен көптен бері баскетбол тәртібін енгізу туралы идеяны ойлап жүрмін, яғни бес мәрте ереже бұзған ойыншы алаңнан кетеді. Ал офсайд жағына келер болсақ, бұл ұсынысым көбіне ұнамайтын сияқты. Бұл тәртіпті алып тастағым келетіні, қазір футбол бейне бір гандболға ұқсап кетті», – деді ол.
Сонымен қатар, голландиялық директор пенальти сериясына қарағанда хоккейдегі буллит сериясын енгізуді, тіпті әлем чемпионатының топтық ойындарында да қолдануды ұсынды.
«Әрбір командада бес мүмкіндік болады. Төрешінің ысқырығынан кейін футболшы 25 метр қашықтықтан допты алып жүгіріп, 8 секундтың ішінде соққы жасап үлгеруі тиіс. Ал қақпашы айып алаңынан ұзап шыға алмайды. Қарсыласының соққысын қайтара алса, буллит аяқталды», – деді ван Бастен.
Айта кетейік, 10 қаңтар күні ФИФА-ның кеңесі 2026 жылдан бастап әлем чемпионатына қатысатын командалар санын 32-ден 40-қа арттыру туралы шешім қабылдаған.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
