«Астана арландары» мен «Cuba Domadores» жекпе-жегін елордада тамашалаймыз

 Естеріңізге сала кетейік, өткен аптада «Астана арландары» Ресей командасынан 9:1 есебімен басым түсіп, WSB-дің финалына жолдама алған болатын. Ал жартылай финалдың келесі жұбында Куба мен Мексика былғары қолғап шеберлері кездесіп, бостандық аралының жігіттері 10:0 нәтижесімен жеңіске жеткен-ді.  Бүкіләлемдік бокс сериясының шешуші бәсекесі 20-21-ші маусымда елордадағы «Дәулет» спорт кешенінде өтеді. 2 күндік жекпе-жек тең дәрежеде аяқталса, жеңімпаз команда қосымша 56 келі салмақта анықталады. Қазір «арландар» финалдық сынға қызу дайындалуда. 2013-ші жылғы маусымда қазақстандық клуб осы жарыста топ жарған еді. Енді сол жетістікті қайталауға тағы бір мүмкіндік туып отыр.    Мырзағали Айтжанов, Бокстан Қазақстан құрамасының бас бапкері -Қазіргі таңда біздің де деңгейіміз мықты. Сондықтан тең дәрежеде, енді 6:4 осындай есеп болады. 5:5 қосымша болуы мүмкін, оны енді ринг көрсетеді. Жігіттеріміз психологиялық тұрғыда кубалықтардан еш қаймықпайды. Сол себептен олар бізге алынбайтын қамал емес.