Арал ауданының орталық алаңында 2015 жылғы оқу жылының үздік түлектеріне «Алтын белгі» тапсырудың салтанатты рәсімі болып өтті. Ауданда биылғы оқу жылында 694 түлектің 413-і ҰБТ-ге қатысқан. Олардың 9-ы «Алтын белгі» иегері атанып, білім сынынан сүрінбей өтсе, 4-уі «Үздік аттестат» иегерлері атанды.
Білім додасына түскен шәкірттер арасынан 65 түлек 100-ден жоғары балл жинады. Осыған сәйкес, ауданымыздағы орташа балл – 81,47 балды құрап отыр.
Бүгінгі салтанатты рәсімге аудан әкімі Абзал Мұхимов қатысып, алтын ұя мектептен түлеп ұшқан өрендерді қуаныштарымен құттықтады. Аудан әкімі үздіктер сапындағы түлектерге естелік сыйлықтар табыстап, ақ жол тіледі.