Экономика
Қоғам
Қоғам
0
Павел Коктышев қызылордалық кәсіпкерлерге тренинг өткізді
Бизнеспен енді ғана айналысып жатқан кәсіпкерлерге Start up Nomad Tour аясында Қазақстандағы Global Entrepreneurship Week негізін қалаушы және өкілі, сондай-ақ Жас кәсіпкерлер клубының негізін қалаушы Павел Коктышев айтып берді. Қызылорда облысының кәсіпкерлер палатасының баспасөз қызметінің хабарлауынша, республикаға белгілі тренерді шақырудағы мақсат туралы Қызылорда облысының кәсіпкерлер палатасының бизнес-тренері Жанна Аманова «Өз ісін бастаушы кәсіпкерлер үшін тәжірибесі жоғары кәсіби тренерлерді тарту бүгінгі таңда қажеттілікке айналды. Біз бұл әріптестік байланыстың аймақ кәсіпкерлері үшін жаңа мүмкіндіктер ашатынына сенеміз», - деді.
Оқыту курсының қорытындысымен жобалары өміршең деп таңдалып алынған кәсіпкерлер Кәсіпкерліктің ғаламдық апталығы аясында өткізілетін стартапшылардың көрмесіне шақырылды.
«Бүгін біз 4 жобаны таңдап алдық. Олар: онлайн оқытуға арналған алаң, кешкі киімдерді жалға беруге арналған дүкен, ағаштан бұйымдар жасау, сондай-ақ тіс пастасы жобалары. Аталмыш жобалар күзде өтетін көрмеге шақырылды. Айта кету керек, қызылордалықтардың жас айырмашылықтарына қарамастан ашық, еркін, энергиясы зор екен. Бұл табысты бизнес үшін аса қажет қасиеттер», - деп Павел Коктышев өз ойымен бөлісті.
Павел Коктышев өткізген оқыту курсына қатысушылардың барлығы MOST бизнес-инкубатордың дерекқорына енгізіледі. Аталмыш дерекқорға сәйкес кәсіпкерлермен байланыс орнатылып, құнды ақпараттар жолданып отыратын болады.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
