АРАЛДА 14 МЫҢ БАЛА ЖАЗҒЫ ДЕМАЛЫСПЕН ҚАМТЫЛМАҚ

Оның ішінде қала сыртындағы лагерге - 600 бала, мектеп жанындағы күндізгі лагерге ыстық тамақпен 2261 бала, шатырлы лагерге - 750 бала, ауданнан тыс лагерлерге - 360 бала, бос уақытын тиімді ұйымдастыруда оның ішінде көркейту-көгалдандыруға 811 бала, экскурсияға - 2016, аулалық клубқа - 780 бала, мектеп жанындағы ыстық тамақсыз ойын лагеріне - 6840 бала барлық шаралармен толық қамтылатын болады деп күтілуде. Барлық күндізгі лагерлер мен ««Қамбаш» балаларды сауықтыру және қосымша білім беру орталығы» 1 маусым «Халықаралық балаларды қорғау» мерекесі күні ашылады. Қала сыртындағы «Қамбаш» балаларды сауықтыру және қосымша білім беру орталығындағы әр ауысым 10 күндік, жазғы маусымға аудан бойынша 5 ауысымда 120 баладан барлығы 600 бала демалдыру көзделуде. 

Сонымен бірге көршілес аудандарының балаларын және облыстық мекемелердің кәсіподағы, демеушілер есебінен былтырғыдай демалдыруға 7 ауысымға дейін ұзартып жұмыс жасауға мүмкіндік бар. Осыған орай қазіргі таңда балалары былтырғы жылы демалыспен қамтылған облыстық мекемелерге ұсыныс жасалуда. Орталық жыл бойына толыққанды жұмыс жасап келеді.