Қызылорда облыстық жұмылдыру дайындығы басқармасының басшысы тағайындалды

Қ. Сәрсенбаев 1961 жылы дүниеге келген. Жамбыл гидромелиоративтік-құрылыс институтын «инженер-гидротехник» және Қорқыт Ата атындағы Қызылорда мемлекеттік университетін «экономист-бухгалтер» мамандықтары бойынша бітірген. Еңбек жолын 1983 жылы Сырдария су жүйелері басқармасының инженері ретінде бастаған. 1999-2012 жылдары Сырдария аудандық экономика және қаржы бөлімінің меңгерушісі, Сырдария аудандық қаржы бөлімінің меңгерушісі, Сырдария ауданы әкімінің орынбасары қызметтерін атқарған. 2012-2017 жылдары - Қызылорда облысының қаржы басқармасының басшысы, Шиелі ауданының әкімі болды. Ал 2017 жылдың қазан айынан бастап осы кезге дейін Жалағаш ауданының әкімі қызметін атқарып келді.