Экономика
Қоғам
Мәдениет
0
Қызылордағы спорттық би сайысына 2000 жас қатысты
Облыс көлемінде орта және арнаулы білім беру орындарының арасында «Берік отбасы есірткіден алыс!» деген ұранымен черлидинг спорттық би түрінен сайыс өтті. «Бұл шара Қазақстан Республикасы Үкіметінің 2012 жылғы 12 сәуірдегі №451 қаулысымен бекітілген Қазақстан Республикасында нашақорлыққа және есірткі бизнесіне қарсы күрестің 2012-2016 жылдарға арналған салалық бағдарламасының талаптарын орындау мақсатында өткізілді» деп хабарлайды Қызылорда облыстық ішкі істер департаменті баспасөз қызметі.
Сайыстың мақсаты – жастар мен жасөспірімдердің бос уақытын тиімді пайдалануға шақыру, салауатты өмір салтын қалыптастырып, қатысушылардың спорттық шеберлігін арттыру болып табылды. Сайысқа облыс көлеміндегі білім беру орындарының студент жастарынан жасақталған 86 команда (2000 астам оқушы, студент) қатысты.
Сайыс барысында қатысушылар дене қимылдарының ширақтығы, команда арасында байланыстың болуы, би қимылдарының синхронды жасалуы, қимылдар мен музыкалық сүйемелдеудің ұтымды таңдалуы, әртістік қабілет, сыртқы пішіннің би мәнеріне сәй келуі сынды талаптар бойынша бағаланды.
Аталмыш спорт бәсекесінің қорытындысы бойынша үздік деп танылған Қызылорда қаласы №3 мектеп-лицейінің командасы бірінші орынды иеленсе, Қармақшы ауданының №199 орта мектебінің командасы 2-орынды, Шиелі ауданының №48 орта мектебінің командасы 3-орынды қанжығаларына байлады.
Тағы да оқыңыздар:
-
Мәдениет -
Мәдениет -
Мәдениет
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
