Қармақшы топырағын ғасырлардан бері мұра болып келе жатқан жыраулық өнерді дәріптеп келеді. Олардың қатарында жас өрендер де бар.
Солардың бірі – Қармақшы ауданы, Тұрмағамбет ауылының тұрғыны Арай Оңғарқызы. Ол бірнеше мәрте республикалық,облыстық байқауларда жеңімпаз атанған. Ауылдағы "Тасберген жырау" үйірмесінде (жетекшісі Зәуре Кәрібаева) тәлім алады. Енді 8 жасар Арай 7-12 сәуір аралығында Қытай Халық Республикасында өтетін "Талант шоу" халықаралық балалар шығармашылығы байқауына қатысуға жолдама алды.