Facebook VK WhatsApp Instagram

Спорт

0

IIHF Белоруссияны әлем чемпионатын өткізуден шеттете ме?

Халықаралық хоккей федерациясы кеңесі (IIHF) биылғы әлем чемпионатының өтетін орны туралы соңғы шешімді қаңтардың соңында қабылдайды, деп жазады olympic.kz
Бұл туралы ұйым президенті Рене Фазель хабарлады.  
«IIHF Белоруссиядағы жағдайға байланысты барлық ресурстарды қолдануда. Біз көптеген пікірді талқыға салдық. Бізге Беларусь билігімен елдегі саяси жағдай мен коронавирусқа қатысты жайттарды нақтылау керек. Қаңтар соңындағы отырыста біз анық шешім қабылдаймыз», - дейді IIHF президенті.  
Айта кетелік, шайбалы хоккейден әлем чемпионаты биыл 21 мамыр мен 6 маусым аралығында Минск (Беларусь) және Рига (Латвия) қалаларында өтуі тиіс. Алайда, Беларусьтағы саяси тұрақсыздықтарға байланысты IIHF әлем чемпионатының өтетін орнын ауыстыруы мүмкін. 


Пікір қалдыру

Сіз робот еместігіңізді растаңыз - [] *: