Қызылордалық журналистер республикалық турнирден олжалы оралды

Сыр елінің журналистері жақсы ойын көрсетті. Олар өз тобынан озық шығып, ширек финалда да ширақтық танытты. Осының нәтижесінде жартылай финалға дейін алқынбай жетті. Өкінішке орай, бұл жолы сүрініп, ендігі кезекте үшінші орын үшін сайысатын болды.  Үшінші орын үшін сайыста Оңтүстік Қазақстан облысынан келген әріптестерімен шеберлік байқасып, жеңімпаз ойын соңынан кейінгі пенальти тебуден анықталды. Есеп 3:1. Қызылордалық журналистер үздік үштіктен көрінді. Айта кетелік, жерлестеріміз бұл жарысқа тұңғыш рет қатысып отыр. Өткен жылы олар Шымкент қаласында болған "Оңтүстік Қазақстан" газетінің 90 жылдығына арналған футзалдан журналистер арасындағы аймақтық жарыста да үшінші орын алған еді.