Экономика
Қоғам
Спорт
0
Қызылордалық волейболшылар күміс алды
Жақында Батыс Қазақстан облысы, Орал қаласында 2000-2001 жылдары туылған жасөспірімдер арасында волейболдан Қазақстан Республикасының жазғы чемпионаты өтті.Еліміздің барлық облыстарынан 18 команда, 250-ге жуық спортшы қатысқан дүбірлі сайыста жерлестеріміз күміс жүлдені еншіледі. Бірінші орында – Шығыс Қазақстан облысы, үшінші орында – Астана қаласы. Ал Павлодар облысының командасы төртінші орынды қанағат тұтты.
Команданың алға шығуына шиеліліктер Расул Егенов, Аят Рамазанұлы, Елжас Сапарбай, Жаңақорған ауданы, Түгіскен елді мекенінен Болатхан Шанжархан, Еркебұлан Сейдан, Нұрлыбек Ыбырайұлы, аралдық Жандос Шамаранов, сырдариялық спортшылар Азамат Ордабеков, Дәулет Кенжеғалиев, Асқар Балтабай, Нұрғиса Өтегенов, Дәулет Русланов, жаңақорғандық Рахат Сержан сынды волейболшылар өз үлестерін қосты.
Сондай-ақ, чемпионатта «Үздік ойыншы» номинациясымен шиелілік Аят Рамазанұлы марапатталды. Қызылорда облысының құрама командасын жарысқа Болат Рысмахан, Өтепберген Әбдіраманов, Батыр Бабаев, Жасұлан Бердібаевтар дайындады.
Жасөспірімдер арасында облыстың аға жаттықтырушысы Болат Рысмаханның айтуы бойынша, спортшылар енді қараша айында Павлодар қаласында болатын ҚР чемпионатына дайындалады.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
