Велоспорттан қалалық ашық чемпионат өтті

Бүгін, Қызылорда қаласында Қазақ хандығының 550 жылдығына арналған велоспорттан қалалық ашық чемпионат өтті. Кәсіби спортшылар мен әуесқойлар арасында алғашқы мәрте ұйымдастырылған жарысқа Қазалы ауданы, Қызылорда қаласынан 100- ге жуық спортшы қатысты.
Жарыстың мақсаты - облыста велоспортты кеңінен дамыту, бұқаралық спортпен шұғылданушылар санын ұлғайту және жастарды салауатты өмірге тәрбиелеу.
Веложарыс таңғы 10.00-де Тасбөгет кентінен басталып, Жібек жолы көшесімен Абай даңғылы арқылы өтіп, Тағзым алаңында аяқталды.
Айта кетейік, келесі жарысты наурыз айында өткізуді ұйымдастыру жоспарлануда.

Жарыс қорытындысы бойынша:

Тас жол велосипедінен 15-20 жас аралығындағы қатысушылар арасында:
I орын Жанболат Сәду (Қазалы ауд.)
II орын Мұрат Байжахан (Қазалы ауд.)
III орын Жәдігер Аманкелді (Қызылорда қ.)
Тас жол велосипедінің өзге түрлерінен 15-20 жас аралығында қатысушалар арасында:
I орын Айбек Әбубәкір (Қазалы ауд.)
II орын Нұрлыбек Сағынтай (Қызылорда қ.)
III орын Нұржан Нұрлыбек (Қазалы ауд.)
Тас жол велосипедінің өзге түрлерінен қатысушылар арасында:
I орын Жарбол Сүлейменов (Қазалы ауд.)
II орын Бауыржан Орынбасар (Қазалы ауд.)
III орын Жандәулет Өндірей (Қызылорда қ.)
Тас жол велосипедінен 20 жастан жоғары қатысушылар арасында:
I орын Асхат Қабдаш (Қызылорда қ..)
II орын Бағдат Әбекенов (Қазалы ауд.)
III орын Рысбек Әбубәкір (Қазалы ауд.)
Сондай-ақ, жарыста "Ең үлкен қатысушы" - 51 жастағы қызылордалық Алмасбек Махамбетов, "Жеңіске деген ынтасы үшін" - Нұрсейіт Әлімсейіт және белсенді қатысқаны үшін - Динара Эшатова, Гаухар Әділова, Бауыржан Қуанышбаевтар марапатталды.