Экономика
Қоғам
0
РИНАТ ЗАЙЫТОВ ДИМАШ ҚҰДАЙБЕРГЕНОВ ТУРАЛЫ: ӨЗІМ СЕН СИЯҚТЫ ӘНШІЛЕРДЕН ҚОРҚАМЫН (ВИДЕО)
Бұл күндері Қытайда өтіп жатқан «I am singer» байқауының алғашқы екі кезеңінде де жеңіске жеткен жас әнші Димаш Құдайбергенов халықтың құрмет-қошеметіне бөленуде. Дегенмен Димашты бұдан 4 жыл бұрын еліміздегі телеарналардың біріндегі ән байқауында қазылар алқасы қатаң сынға алған болатын, деп хабарлайды Baq.kz.
«Саз әлемі» деп аталатын телевизиялық ән байқауында жас әнші өзі шығарған «Көркемім» әнін орындап шығады. Қазылар құрамында болған Ринат Зайытов Димаш сияқты әншілерден қорқатынын да айтқан еді.
«Өзім сен сияқты әншілерден қорқамын. Бұрын Витас секілді әншілер пайда болды деп қуанатын едік. Ал қазір бәрі шыңқылдай бастады. Осы еркек дауысты эстрадамыз Өмірқұл Айниязовпен бітіп қалады ма деп қорқамын. Шыңғырып айту өнер емес. Жарайсың, алға баса бер», – деген Ринат Зайытов әншіге 8 ұпай қойған еді.
Ал музыкалық продюсер Бағым Мұхитденова әншінің орындаған әні көңілінен шықпағанын, дұрыс таңдау жасамағанын айтты.
«Қайта-қайта вокалдық қабілетіңді көрсете беретін ән емес. Біз сенің кімнің баласы, мүмкіндігің қандай екенін жақсы білеміз. Сондықтан жай ғана орындап шықсаң да жетер еді. Ән мүлдем ұнаған жоқ. Дұрыс таңдау жасамағансың», – деді Бағым Мұхитденова.
Ол бірақ Димаштың қазақ эстрадасына керек әнші екенін де айта кетті.
«Димаш абсолютті түрде біздің эстрадаға сай келетін әнші. Осында қала бер. Классикаға барудың қажеті жоқ», – деді сол кезде Б.Мұхитденова.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
