Facebook WhatsApp Instagram

Қоғам

0

Қызылордада карантинге қарамастан той өткізудің 370 дерегі анықталды 

Бүгінгі күні қоғамдық тәртіп пен азаматтардың қауіпсіздігін тиісті деңгейде қамтамасыз ету мақсатында қолға алынған қатаң шараларға қарамастан карантин режимін бұзу, туыстарын жинап, той жасап жатқан азаматтар саны азаяр емес. 

Ағымдағы жылдың 05 шілдесінен бастап жарияланған карантин шектеулерінің орындалуын қамтамасыз ету мақсатында мониторингтік мобильді топтармен оның ішінде, жергілікті атқарушы органдар, Тауарлар мен көрсетілетін қызметтердің сапасы мен қауіпсіздігін бақылау департаменті, еріктілер, қоғамдық көмекшілер, бұқаралық ақпарат құралдарымен бүгінгі күнге дейін 679 құқық бұзушылық анықталды. 
Оның ішінде кафе, мейрамханаларда 370 той жасаудың дерегі анықталса, компьтерлік клубтар, букмекерлік кеңселер тарапынан карантин талаптарын бұзудың 59 дерегі, шаштараздармен 8, дүкендер және базарлармен 72, демалыс орындарымен 4, санитарлық дәрігердің қаулысында көрсетілген басқа 166 құқық бұзушылықтар анықталды.
Мәселең,18 қазан күні сағат 18:14 шамасында Қызылорда облысы, Шиелі ауданының тұрғыны  туыстарын жинап «құдалық» жасағаны анықталды. Аталған дерек бойынша құжаттар жинақталып, ҚР ӘҚтК-нің 425 бабының 1 бөлігімен (Қазақстан Республикасының халықтың санитариялық-эпидемиологиялық саламаттылығы саласындағы заңнамасының талаптарын, сондай-ақ гигиеналық нормативтердi, техникалық регламенттерді адам денсаулығына зиян келтіруге әкеп соқпаған бұзушылық)  әкімшілік хаттамасы рәсімделіп, тиісті шара көру үшін Шиелі аудандық тауарлар мен қызметтердің сапасы мен қауіпсіздігін бақылау басқармасына жолданды. 
Сонымен қатар, 16 қазан күні сағат 18:50 шамасында Қызылорда облысы, Қазалы ауданы Әйтеке би кентінің тұрғыны «Бағдаулет» кафесінде той жасап жатқандығы анықталды. Аталған дерек бойынша құжаттар жинақталып, ҚР ӘҚтК-нің 425 бабының 1 бөлігімен (Қазақстан Республикасының халықтың санитариялық-эпидемиологиялық саламаттылығы саласындағы заңнамасының талаптарын, сондай-ақ гигиеналық нормативтердi, техникалық регламенттерді адам денсаулығына зиян келтіруге әкеп соқпаған бұзушылық) әкімшілік хаттамасы рәсімделіп, тиісті шара көру үшін Қазалы аудандық тауарлар мен қызметтердің сапасы мен қауіпсіздігін бақылау басқармасына жолданды. 
Одан бөлек, 16 қазан күні Қызылорда қаласындағы «Айгейм» және «Энерджи» компьтерлік клубтарын тексеру кезінде де дәл осындай құқық бұзушылықтар анықталды. 

 Қызылорда облысы Полиция 
департаментінің баспасөз қызметі
Пікір қалдыру

Сіз робот еместігіңізді растаңыз - [] *: