«ЖАҢАҚОРҒАН ӘУЕНДЕРІ» ЖҮЛДЕГЕ 1 МИЛЛИОН ТЕҢГЕ ТАРАТТЫ

Байқаудың мақсаты қарт Қаратау мен сұлу Сыр бойындағы әсемдігімен, сазды ән-жырымен ерекшеленетін Жаңақорған жерін ән құдіреті арқылы ұлықтау, келер ұрпақтың жадына лайықты ән-мұра қалдыру болатын.

Конкурс жабық түрде өтті. Талапкерлер ереже бойынша (лақап аттарымен), Жаңақорған туралы жаңа туынды жолдады. 17-қыркүйекте ҚР еңбек сіңірген қайраткері, «Құрмет» орденінің иегері, көрнекті композитор Кеңес Дүйсекеев төрелік еткен қазылар алқасы 40-қа жуық шығармаларды тыңдап, нәтижесінде ақын А.Сопыбековтың сөзіне жазылған «Жаңақорған» әнімен 1-орын (500 000 теңге) Уәли Ибрагимовке тапсырылды. 2-орынды Алматы қаласында шығармашылықпен айналысып жүрген тағы бір жерлесіміз Дүйсенхан Сыздықов жеңіп алса (300 000 теңге), 3-орынды (200 000 тенгеден) қызылордалық Сәбит Ұлықпанұлы мен алматылық Марат Жанғазиев жеңіп алды.