Қыздар да құралайды көзге атады

 

 

Бұрымдылардың көздеген бытырасы бірінікі қиыс кетіп, енді бірінікі нысанаға дөп тиіп жатты. Десе де, шын мергенге тұсау жоқ демекші, бас жүлдені тау аймағы мергендері қанжығаларына байлады. Жүлделі II-орынды Сыр аймағынан құрылған сұр мергендер командасы, қос қоланы Төменарық пен Түгіскен аймағынан келген бұрымдылар месе тұтты. Сондай-ақ жеңімпаз команда облыстық «Мерген ару-2015» сайысына жолдама алды. Аудандық білім бөлімінің бастапқы әскери дайындық пәні әдіскері Қ.Оралбеков пен аудандық қорғаныс істері жөніндегі бөлім басшысы Ғ.Тасжанов жеңімпаз командаларды дипломмен марапаттады. Осы сайысқа дәстүрлі түрде демеушілік жасап жүрген аудандық «Отан» бірлестігінің кәсіптік техникалық оқу орталығы директоры Б.Ахметов бағалы сыйлықтары мен алғыс хаттарын жеңімпаздарға табыстады. 

Айта кету керек, аталмыш аудандық сайыстан облысқа жолдама алған қос бірдей команда намысты қолдан бермепті. Облыстық «Мерген аруы-2015» сайысында құралайды көзге атқан мерген оқушылар жүлделі I-II-орындарды иеленіпті.