Градимир Црногорац "Қайсарға" оралғысы келеді

Қазір футболшы ешқандай командада ойын көрсетпейді. Ол "Қайсардан" кейін өз елінің "Слобода" (Тузла), "Звиезде" (Градачац), "Градина" (Сребреник) клубтарының намысын қорғады. Ол әлі де "Қайсардың" сапына оралуды қалайды. "Мен "Қайсардың" ойындарын сырттай бақылап отырамын. Ондағы соңғы жылымда үздік сұрмерген атандым. Үстіміздегі жылы "Қайсар" Қазақстан чемпионатында бестіктен көрінді. Оған қуаныштымын. Тіпті, еурокубок ойындары қол созым жерде қалды. Маған қызылордалық жанкүйерлер жаһандық желі арқылы хабарласып отырады. Тіпті, олардың арасында "Бізге қашан келесің" деп сұрайтындары да бар" дейді. ол.