Жақында Ресейдің Грозный қаласында Шешенстан Республикасы Мемлекеттік кеңесінің бірінші төрағасын еске алуға арналған дзюдодан халықаралық өтті. Оған 16 мемлекеттен 200-ден аса қатысқан спортшы 7 салмақта кімнің мықты екенн анықтады.
Қазақстаннан 16 спортшы бақ сынасып, тек қана жалғыз медаль жерлесіміз Дархан Сержановтың (60 келі) еншісінде болды.
Дархан жарыс барысында 4 кездесу өткізіп, алғашқысында Әзербайжан, екінші кездесуінде Ресей спортшысын таза жеңіспен ұтса, жартылай финалда Ресей балуанынан ұпай санымен ұтылып, одан соң дагестандық балуанмен кездесіп, бір ескерту айырмашылығымен турнирдің қола жүлдесін иеленді.
Облыстық жоғары спорт шеберлігі мектебінде жаттығатын Дарханның бапкері – Жанарбек Сансызбаев.
Д.Сержанов дзюдодан 2010 жылғы Әлем кубогының қола жүлдегері, Қазақстан Республикасы 4-ші жазғы спартакиадасының жеңімпазы, Қазақстан Республикасының спорт шебері. Сондай-ақ, ол самбо және қазақ күресімен де айналысады. Самбодан жастар арасында Әлем чемпионы.