Экономика
Қоғам
Спорт
0
Ғарыш күнінде жеңілатлетикалық эстафета мен веложарыс өтті
Байқоңырда ғарыш айлағының 60 жылдығына арналған жеңілатлетикалық эстафета мен веложарыс өтті. Эстафетаға Қызылорда қаласы мен барлық аудандардан 126 спортшы, веложарысқа Астана, Алматы қалалары мен Батыс Қазақстан, Шығыс Қазақстан, Жамбыл, Павлодар және Қызылорда облыстарынан 50 велошабандоздар қатысып, үздіктері анықталды. 18 жастан жоғары жеңілатлеттер бақ сынаған эстафета қорытындысында Қызылорда қаласының командасы сөреге алғашқы болып жетті. Қармақшы ауданы екінші орынды иеленсе, Қазалы ауданы үшінші орынға табан тіреді. 1997 және одан төмен жастағы спортшылар арасындағы веложарыста қызылордалық Ерсұлтан Алидің мерейі үстем болды. Қос астаналық спортшылар Вадим Пронский күміс жүлдені алса, Дмитрий Маковийге қола жүлде бұйырды.
«Байқоңыр спорт басқармасымен бірлесіп, жыл көлемінде әртүрлі шаралар ұйымдастырамыз. Соның бірі – жеңілатлетикалық эстафета мен веложарыс Байқоңыр ғарыш айлағының 60 жылдығына арналып өткізілді. Қазіргі таңда аудан, қала және облыста күн сайын спорттық жарыстар өтуде. Неғұрлым спорттық шараларды жиі ұйымдастырған сайын, соғұрлым спортшылардың жарыстарға дайындығы жақсарады, шеберлігі артады. Сондай-ақ, алдымыздағы бейсенбі күні Қызылорда облысында велоспорттан Қазақстан чемпионаты басталады. Бұл бір жағынан
ел чемпионатына дайындық түрі болса, екінші жағынан бұқаралық спортты дамыту болып табылады» - деді облыстық дене шынықтыру және спорт басқармасының басшысы Садық Мұстафаев.
Жарыс жеңімпаздары мен жүлдегерлер диплом, кубок және медальдармен марапатталды.
Тағы да оқыңыздар:
-
Спорт
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
