ФУТБОЛДАН ЕУРО-2016 ФИНАЛДЫҚ ТУРНИРІНЕ ҚАТЫСАТЫН 24 ҚҰРАМА АНЫҚТАЛДЫ

Марибор және Копенгаген қалаларында өткен қосымша ойындардан кейін футболдан Еуро-2016 финалдық турниріне қатысатын барлық құрама анықталды. Сондай-ақ, олардың қандай корзинаға түсетіні белгілі болды. Олар төмендегіше өрбіді.
1 корзина
Испания, Германия, Англия, Португалия, Бельгия
2 корзина
Италия, Ресей, Швейцария, Австрия, Хорватия, Украина
3 корзина
Чехия, Швеция, Польша, Румыния, Словакия, Венгрия
4 корзина
Түркия, Ирландия, Исландия, Уэльс, Албания, Солтүстік Ирландия
Турнир қожайыны – Франция құрамасы автоматты түрде А тобына бірінші нөмірде енеді. Финалдық турнирдің жеребе тарту рәсімі 2015 жылдың 12 желтоқсанында ел астанасы – Париж қаласында өткізіледі.
Еуро-2016 финалдық турнирі 2016 жылдың 10 маусым-10 шілде аралығында Париж, Сен-Дени, Ланс, Лилль, Бордо, Лион, Сент-Этьен, Тулуза, Марсель және Ницца қалаларында болады.