Facebook VK WhatsApp Instagram

Денсаулық

0

Қызылордада дәрілік заттар қоры жеткілікті

Өңірдегі қорда коронавирус инфекциясына қарсы дәрілік заттар жеткілікті. Мәселен антибиотиктердің 438 271 қорабы, вирусқа қарсы препараттың 12 828 және антикоагулянттардың 1630, ыстықты түсіретін 177 897 мың  қорабы бар.
Бұл туралы Өңірлік  коммуникациялар  қызметінің ақпарат алаңында өткен брифингте облыстық медициналық және фармацевтикалық бақылау департаменті басшысының орынбасары Ғалима Азирова мәлімдеді. 
Сондай-ақ, аймақтағы 17 фармацевтикалық  ұйымды дәрілік заттармен қамтамасыз ету мақсатында 281,2 млн. теңге көлемінде қаржы бөлінген. Бөлінген айналым қаражатына ыстықты түсіретін, антибиотиктер, вирусқа қарсы, иммуностимуляторлар, медициналық бұйымдар, инъекциялық және гормондық препараттар сатып алынды. Тағы да қосымша 1,2 млн. теңгені құрайтын дәрілік заттар әкелінетін болады. 
- Биыл 6512 дәрілік зат атауына шекті баға бекітілді. Яғни вирусқа қарсы препараттардың нақты бағалары орташа есеппен 27%-ға төмендеді. (шамамен 230 атау). Дәрі-дәрмектерге мониторинг тұрақты жүргізілуде, - деді Ғалима Жақсылыққызы.

Пікір қалдыру

Сіз робот еместігіңізді растаңыз - [] *: