Facebook VK WhatsApp Instagram

Спорт

0

ІШКІ ІСТЕР ДЕПАРТАМЕНТІНІҢ ЗЕЙНЕТКЕРІ ЖАРЫСТАН ЖҮЛДЕЛІ ОРАЛДЫ

ІШКІ ІСТЕР ДЕПАРТАМЕНТІНІҢ ЗЕЙНЕТКЕРІ ЖАРЫСТАН ЖҮЛДЕЛІ ОРАЛДЫ2015 жылдың қыркүйек айында Омбы қаласында ХХVІ Халықаралық Сібір марафоны өткен болатын. Аталмыш сайысқа 21 мемлекеттен және Ресейдің 32 өңірінен 7 мыңнан астам марафоншы қатысып, 5км, 10 км және 42 км, 195 м қашықтықта жүгіруден бақтарын сынады. Қазақстаннан барлығы 79, оның ішінде Қызылорда облысынан 2 қатысушы қатысты.
Халықаралық Сібір марафонына ІІМ зейнеткері отставкадағы полиция майоры Убайдулдаев Абдуали 10 км қашықтыққа жүгіруден өз жас шамасында (40-44 жас аралығында) қатысып, 50 минут 55 секундта мәре сызығын кесіп өтті. Үздік нәтиже көрсетіп, алғашқы ондыққа ілінген жерлесіміз 2016 жылдың сәуір айында Алматы қаласында өтетін V Алматы Халықаралық қайырымдылық марафонына және мамыр айында Омбы қаласында болатын «Гандикап» марафонына қатысуға жолдама алды. 
Сонымен қатар, аталмыш сайысқа 42 км, 195 м қашықтыққа жүгіруге Сыр өңірінен 52 жастағы Сағынбаев Алмас та қатысып, мәре сызығын 3 сағат 27 минут 32 секундта кесіп, жақсы көрсеткішті бағындыра білді.
Халықты бұқаралық спортты қолдап, салауатты өмір салтын ұстануда үлгі-өнеге көрсете білген жерлестеріміздің үлкен додаларда асықтары алшысынан түсіп, үлкен биік белестерден көрінеріне сенімдіміз. Көк туымыздың аспанда желбіреп, айбынды әнұранымыздың асқақтай шырқалатын күні жақын екеніне үмітіміз зор.
Пікір қалдыру

Сіз робот еместігіңізді растаңыз - [] *: